Histoire de Thibaut IV

Thibaut IV (1201-1253), comte de Champagne et de Brie, et roi de Navarre fut un grand trouvère. Né à Troyes le 30 mai 1201 quelque temps après la mort de son père, Thibaut était comte à la naissance. Marie de France, sa grand-mère, était déjà une bienfaitrice de beaucoup de poètes comme Chrétien de Troyes.


Maître anonyme, Bruges, 2e ou 3e quart du XIIIe siècle,
Le mois de mai (détail) : un homme chassant au faucon.
Enluminure sur parchemin, Psautier, Manuscrit Royal 2 B III, f. 4r,
Londres, British Library (cliché © British Library)

Thibaut, un vivant poète

A la mort du père de Thibaut, sa mère demanda une protection royale ce qui obligea Thibaut à servir les rois français dans leurs campagnes militaires. Parmi elles, il dut participer à la désastreuse croisade albigeoise au pays des troubadours. Il se retira une nuit de 1226 du camp royal pour ne plus participer au massacre planifié. Les relations avec le royaume de France devinrent alors plus tendues témoin son éviction au sacre de Louis IX le 19 novembre de la même année. Cet affront engendra une guerre contre le roi où le comte participa à une ligue de barons. D’abord dans cette alliance puis contre elle, il reçut le soutien de la régente de France, Blanche de Castille, ce qui préserva en 1230 Provins de la dévastation.
Sa tolérance eut ses limites puisque, sous la pression du pape et de son Inquisition, on brûla vif 183 hérétiques cathares "du nord" sur la butte du Mont-Aimé près de Fère-Champenoise le 13 mai 1239. Le procès bâclé eut lieu en présence du comte. Il concourut (à l’appel du pape Grégoire IX) à la peu glorieuse croisade de 1239 ou croisade des barons. De retour en Terre Sainte, il reçut un soi-disant morceau de la croix de Jésus qui sera apportée à l’Eglise Saint Laurent des eaux actuelle église Sainte Croix de Provins.

Thibaut succède à son oncle comme roi de Navarre et va se faire couronner à Pampelune. Il y mourra le 14 juillet 1253.
Il est difficile de déterminer le nombre exact des travaux de Thibaut : 65 chansons peuvent lui être vraiment assignées. Ses poèmes furent très prisés dans toute l’Europe occidentale jusqu’au XIVè siècle.

Les chansons de Thibaut de Champagne d’A Wolenskold (source : Gallica).

Amors me fet conmencier

par Anne Azéma

Amors me fet conmencier
Une chanson novele
Qu’elle me veut ensoigner
A amer la plus belle
Qui soit ou mont vivant
C’est la bele au cors gent
C’est cele dont je chant :
Dex m’en doint tel novele
Qui soit a mon talent,
Car menu et sovent
Mes cuers por li sautele.

Bien me pourroit avancier
Ma douce dame bele,
S’ele me voloit aidier
A ceste chanconele.
Je n’ain nule rien tant
Conme li soulement
Et son afaitement
Qui mon cuer renouvele.
Amors me lace et prent
Et fait lie et joiant
Por ce qu’a soi m’apele

Quant fine Amour me semont,
Mour me plait et agree,
Que c’est la riens en cest mont
Qu j’ai plus desirree
Or la m’estuet servir,
Ne m’en puis plus tenir,
Et du tout obeir,
Plus que rien qui soit nee.
S’ele me fait languir
Et vois jusqu’au morir,
M’ame en sera sauvee.

Se la meiudre de ce mont
Ne m’a s’amour donee,
Tuit li amoreus diront
Ci a fort destinee.
S’a ce puis ja venir
Qu’aie, sanz repentir,
Ma joie et mon plaisir
De li qu’ai tant amee :
Lors diront, sanz mentir,
Qu’avrai tot mon desir
Et ma queste achevee.

Bele, por cui sopir,
La blonde coronee
Puet bien dire et jehir
Que por li, sans mentir,
S’est Amours mout hastee.

Deus est ensi comme li pellicans


D’après l’ensemble Oliphant

Deus est ensi conme li pellicanz
Qui fet son nif el plus haut arbre sus,
Et li mauvès oisiaus, qui vient de jus,
Ses oisellons ocit : tant est puanz ;
Li peres vient destroiz et angoisseus,
Du bec s’ocit, de son sanc dolereus
Vivre refet tantost ses oisellons.
Deus fist autel, quant fu sa passions :
De son douz sanc racheta ses enfanz
Du Deable, qui trop estoit poissanz.

Li guerredons en est mauvès et lenz,
Que bien ne droit ne pitié n’a mès nus,
Ainz est orguels et baraz au desus,
Felonie, traïsons et bobanz.
Mult par est or nostre estaz perilleus ;
Et se ne fust li essamples de ceus
Qui tant aiment et noises et tençons
– Ce est des clers qui ont lessié sarmons
Por guerroier et pour tuër les genz –,
Jamès en Dieu ne fust nus hons creanz.

Nostre chiés fet touz noz menbres doloir,
Por c’est bien droiz qu’a Dieu nos en plaingnons ;
Et granz corpes ra mult seur les barons,
Qui il poise quant aucuns veut valoir ;
Et entre gent en font mult a blasmer
Qui tant sevent et mentir et guiler ;
Le mal en font deseur aus revenir ;
Et qui mal qiert, maus ne li doit faillir.
Qui petit mal porchace a son pouoir,
Li granz ne doit en son cuer remanoir.

Bien devrions en l’estoire vooir
La bataille qui fu des deus dragons,
Si com l’en trueve el livre des Bretons,
Dont il couvint les chastiaus jus cheoir :
C’est cist siecles, qui il couvient verser,
Se Deus ne fet la bataille finer.
Le sens Mellin en couvint fors issir
Por deviner qu’estoit a avenir.
Mès Antecriz vient, ce poëz savoir,
As maçues qu’Anemis fet mouvoir.

Savez qui sont li vil oisel punais
Qui tüent Dieu et ses enfançonèz ?
Li papelart, dont li nons n’est pas nèz.
Cil sont bien ort et puant et mauvès ;
Il ocïent toute la simple gent
Par leur faus moz, qui sont li Dieu enfant.
Papelart font le siecle chanceler ;
Par saint Pere, mal les fet encontrer :
Il ont tolu joie et solaz et pès.
Cil porteront en Enfer le grant fès.

Or nos dont Deus lui servir et amer
Et la Dame, qu’on n’i doit oblïer,
Et nos vueille garder a touz jorz mès
Des maus oisiaus, qui ont venin es bès !

Chançon Ferai Car Talent M’en Est Pris

de Diabolus in Musica & Antoine Guerber

Chançon ferai, que talenz m’en est pris,
De la meilleur qui soit en tout le mont.
De la meilleur ? Je cuit que j’ai mespris.
S’ele fust teus, se Deus joie me dont,
De moi li fust aucune pitié prise,
Qui sui touz siens et sui a sa devise.
Pitiez de cuer, Deus ! que ne s’est assise
En sa biauté ? Dame, qui merci proi,
Je sent les maus d’amer por vos.
Sentez les vos por moi ?

Douce dame, sanz amor fui jadis,
Quant je choisi vostre gente façon ;
Et quant je vi vostre tres biau cler vis,
Si me raprist mes cuers autre reson :
De vos amer me semont et justise,
A vos en est a vostre conmandise.
Li cors remaint, qui sent felon juïse,
Se n’en avez merci de vostre gré.
Li douz mal dont j’atent joie
M’ont si grevé
Morz sui, s’ele m’i delaie.

Mult a Amors grant force et grant pouoir,
Qui sanz reson fet choisir a son gré.
Sanz reson ? Deus ! je ne di pas savoir,
Car a mes euz en set mes cuers bon gré,
Qui choisirent si tres bele senblance,
Dont jamès jor ne ferai desevrance :
Ainz sousfrirai por li grief penitance,
Tant que pitiez et merciz l’en prendra.
Diré vos qui mon cuer enblé m’a ?
Li douz ris et li bel oeil qu’ele a.

Douce dame, s’il vos plesoit un soir,
M’avrïez vos plus de joie doné
C’onques Tristans, qui en fist son pouoir
N’en pout avoir nul jor de son aé ;
La moie joie est tornee a pesance.
Hé, cors sanz cuer ! de vos fet grant venjance
Cele qui m’a navré sanz defiance,
Et ne por quant je ne la lerai ja.
L’en doit bien bele dame amer
Et s’amor garder, qui l’a.

Dame, por vos vueil aler foloiant,
Que je en aim mes maus et ma dolor,
Qu’après les maus la grant joie en atent
Que je avrai, se Deu plest, a brief jor.
Amors, merci ! ne soiez oblïee !
S’or me failliez, c’iert traïson doublee,
Que mes granz maus por vos si fort m’agree.
Ne me metez longuement en oubli !
Se la bele n’a de moi merci,
Je ne vivrai mie longuement ensi.

La grant biautez qui m’esprent et agree,
Qui seur toutes est la plus desirree,
M’a si lacié mon cuer en sa prison.
Deus ! je ne pense s’a li non.
A moi que ne pense ele donc ?

Por conforter ma pesance, Faz un son.


Ensemble Alla francesca, Extrait du concert du 29 avril 2011, Paris, musée de Cluny

Por conforter ma pesance
Faz un son.

Bons ert, se il m’en avance,
Car Jason
Cil qui conquist la toison,
N’ot pas si grief penitance.
É ! é ! é !

Je meïsmes a moi tence,
Car reson
Me dit que je faz enfance
Quant prison
Tieng ou ne vaut raençon ;
Si ai mestier d’alejance.
É ! é ! é !

Ma dame a tel conoissance
Et tel renon
Que g’i ai mis ma fiance
Jusqu’en son.
Meus aim que d’autre amor don
Un regart, quant le me lance.
É ! é ! é !